-Blima ye'l proyectu paralelu del nuestru buzukista que ta acabante d'editar el so nuevu trabayu. Llámase "Express" y yá podéis atopalu en toles tiendes del ramu.
Depués de rodar el so primer trabayu "Entamu" (L'Aguañaz 2007) con bona acoyida per parte de la crítica y el públicu, Blima asoleya agora otros diez temes grabaos en Tutu Estudios de Corvera.
La formación, ye anguaño un quintetu formáu por Mapi Quintana a la voz, Gonzalo Pumares al vigulín, Marcos G. Alonso al curdión diatónicu ( ganador del concursu en Lorient 2010 ), J.C. Vega "Cabín" col contrabaxu y Fernando Oyágüez cola guitarra.
Tamién hai que solliñar, l'aportación d'una riestra bayurosa de collaboraores ente los que s'atopen Senén Fernández( cantante y baxista de Felpeyu ), esta vegada a la batería, Xurde Fernández ( miembru fundador de Blima ) a la flauta, Miguel Herrero nos metales, Juanjo Díaz a les percusiones y el campeón escocés Martin O'Neill al bodhran.
El prósimu sábadu 29 de xineru Blima va presentar Express en directo pela primer vez. Va ser na Pola L.lena, nel Teatru Vital Aza a les 20h30 y cola entrada de baldre: hasta once músicos van tar enriba l'escenariu y un burru... o dos, ¡nun te lo pierdas!
No hay comentarios:
Publicar un comentario