JANGADA DE ACORDEOES

Artur Fernandes, Xuan Nel Expósito, Ignacio Alfayé y Pedro Pascual

Jangada de Acordeoes ye'l nuevu proyectu del nuestru curdioneru Xuan Nel Expósito, xunto con otros tres curdioneros (Pedro Pascual de Galicia, Ignacio Alfayé d'Aragón y el portugués Artur Fernandes) que van presentar el prósimu 4 de payares. Un proyectu conxuntu de curdiones ibéricos. Jangada de Acordeoes fai referencia a la obra de Saramago "Jangada de Pedra" na que fala de que la península dixebrárase d'Europa y navega al debalu pel Atlánticu buscando la so identidá. Considereando la diversidá llingüística de la península, el proyectu garrará diferentes nomes según el sitiu onde vaigan facer l'espectáculu (Xangada de Acordeoes, Xangada de Acordeoes, Balsa Akordeoiak, Chalana de Curdiones...). L'oxetivu ye tocar repertorios tradicionales de caúna de les rexones representaes amás de repertoriu popular de baille d'ente sieglos (XIX pal XX) propiu de los curdiones diatónicos na península nesa dómina; Tangos, Valsiaos... que fueren marxinaos nel procesu de folclorización.

L'estrenu de JANGADA DE ACORDEOES va ser el 4 de payares de 2011 nel "Festival Acordeões do Mundo em Torres Vedras"  www.acordeoesdomundo.com